بدل ما تدوّر في 5,629 تركيبة، ابدأ من الميزانية وانزل للخيارات. ده بيختصر 90% من الوقت.
اعرف ميزانيتك الأول
من سعر البيع المستهدف، حدد تكلفة الخامة المسموحة — الطريقة بالأرقام. بعد كده حوّلها لسعر كيلو:
سعر الكيلو المسموح = (تكلفة الزيت المسموحة للوحدة ÷ حجم الزيت في الوحدة بالملي) × 1,050
شرائح الأسعار في قايمتنا
| الشريحة | سعر الكيلو | مناسبة لإيه |
|---|---|---|
| اقتصادية | 900 – 2,500 | منظفات، صابون، منتجات ترويجية، خطوط اقتصادية |
| متوسطة | 2,500 – 4,500 | أغلب عطور السوق، بودي مست، منتجات عناية |
| متوسطة عليا | 4,500 – 8,000 | خطوط مميزة، عطور بثبات عالي |
| فاخرة | 8,000+ | نيش، عود وعنبر فاخر، منتجات محدودة |
أنهي بيت في كل شريحة
الشريحة الاقتصادية: TechnicoFlor (بيبدأ من حوالي 900)، Givaudan في نقاط الدخول، General Aromatic.
الشريحة المتوسطة: أغلب البيوت. Argeville وRomessence وSFA وEssences & Parfums متوسطاتهم في النطاق ده.
المتوسطة العليا: MANE وLUTUS وAromatic.
الفاخرة: LUZI بمتوسط أعلى، والتركيبات المتقدمة من كل البيوت.
الفخ اللي لازم تتجنبه
متختارش التركيبة الأغلى «عشان تضمن الجودة». السعر بيعكس الخامات والتعقيد، مش بالضرورة مناسبة التركيبة لمنتجك. تركيبة بـ 3,000 مصممة للصابون هتأدي في الصابون أحسن من تركيبة بـ 10,000 مصممة لعطر فاخر — شرح الفرق.
الخطوة العملية
- احسب سعر الكيلو المسموح.
- افتح قايمة الأسعار وفلتر في النطاق ده.
- اطلب 3 عيّنات بالكتير.
- اختبر بالبروتوكول في قبل ما تطلب كيلو.
أو ابعتلنا على واتساب: المنتج + الميزانية + العيلة، وهنرشّحلك.
